Dei siste åra har AMFI Knarvik og Nordhordland Næringslag (NONL) samarbeidd om ringedugnad til inntekt for Kreftforeningen. Årets mål er å samle inn 300 000 kroner.

AMFI Knarvik og NONL oppfordrar alle bedrifter i Nordhordland til å bidra i denne viktige saka, som berører oss alle. Vi har tru på stort engasjement og givarglede, og håper på stort engasjement under årets ringedugnad tysdag 24. mars.

Kreftforeiningen si årlege innsamlingsaksjon engasjerer fleire tusen frivillige innsamlarar, organisasjonar, lag og bedrifter i kampen mot kreft. Kvart år samlar Kreftforeningen inn pengar til livsviktig forsking på kreft. Over 300 000 menneske har eller har hatt kreft i Noreg i dag. 3 av 4 overlever. Det er dobbelt så mange som for 50 år sidan. Håpet ligg i forskinga sine små og store framsteg.

Pengane frå Kreftforeiningen sin Innsamlingsaksjon i åra 2024–2027 går til å gi fleire kreftpasientar tilgang til gentest – ein avansert diagnostisk teknologi som kan opne for nye behandlingsmoglegheiter og gi eit lengre liv til fleire.