Over 300 000 menneske har eller har hatt kreft i Norge i dag. 3 av 4 overlever. Det er dobbel så mange som for 50 år sidan. Håpet ligg i forskninga sine små og store framskritt.
Eg føler sjølv eg sit på kanten av eit stup i dag. Eg fekk påvist kreft i februar i år og blei kreftoperert for blærekreft allereie 2 veker etterpå. Eg må dessverre under kniven igjen på Haukeland før påske på grunn av ein aggressiv variant oppdaga etter analysar frå første operasjon. Eg er IKKJE ute etter medkjensle, men eg vil skape engasjement for aksjonen Krafttak for kreft og håpar DU vil støtte innsamlinga. 👍
På kanten av «stupet» er vi så heldig å ha «sikkerheitsline» frå Norsk helsevesen og kreftforeninga. Desse har imponerande effektivitet og kunnskap, og betyr alt for god behandling!
Takka være min snarrådige fastlege, dyktige urologar, kirurgar og kreftspesialistar, er kreften tidleg oppdaga og eg blir behandla svært raskt.
Difor kan eg gå våren møte med veldig gode prognosar 😊 .
Kreftforeninga har undervegs gjeve meg støtte frå andre som har vore igjennom same operasjon.

Støtt aksjonen!